مفتی طارق مسعود صاحب

تلخیص : زید حسن

مسئلہ پوچھا گیا ہے کہ کیا تراویح کی نماز یوٹیوب پر لگا کر اسکی اقتداء میں پڑھ سکتے ہیں؟
یہ غامدی صاحب نے نیا مسئلہ بیان کر دیا ہے اور اسکی علت یہ بیان کرتے ہیں کہ آجکل گلوبل ویلج ہے، ایک دوسرے کی حرکات و سکنات دیکھی جا سکتی ہیں اور آواز بھی سنی جا سکتی ہے لہذا لائیو تراویح بھی پڑھی جا سکتی ہے ۔
اس میں ایک مسئلہ تو یہ ہے کہ جماعت میں امام کا مقدم ہونا ضروری ہے ۔ اب اگر ایک انسان اسلام آباد میں تراویح کی جماعت کروا رہا ہو اور کراچی میں لوگ اسکی اقتداء کر رہے ہوں تو امام مقتدیوں کی بنسبت قبلہ میں پیچھے ہے ۔
دوسری بات یہ کہ امام اور مقتدیوں کا ایک جگہ ہونا ضروری ہے ۔حضورﷺ نے بارش کے وقت موذن سے اعلان کروایا تھا ” صلوا فی رحالکم” تو وہاں اسی موذن کو مکبر بھی بنا سکتے تھے کہ خود مسجد مین نماز ادا کرتے اور بلال تکبیرات لوگوں کو انکی جگہ تک بول کر پہنچاتے رہتے ۔ ایسا کیوں نہیں کیا گیا ؟ کیونکہ امام و مقتدی کا ایک جگہ ہونا لازمی ہے ۔

ویڈیو درج ذیل لنک سے ملاحظہ فرمائیں ۔