مفتی طارق مسعود صاحب

تلخیص : زید حسن

غامدی صاحب نے یہ بات کی ہے کہ تراویح سرے سے کوئی نماز ہی نہیں ہے ۔ اور اسکی ابتداء حضرت عمر کے دور میں ہوئی ہے۔
ہم عرض کرتے ہیں کہ آپ نبی ﷺ کے عمل کو دلیل بنا رہے ہیں اگرچہ وہ بھی دلیل نہیں بنتی کیونکہ حضور ﷺ نے تین دن باقاعدہ تراویح کی جماعت کروائی ہے اور چوتھے دن اسکی فرضیت کے خوف سے اسے ترک کیا ہے ۔ آپ عمل کے ساتھ قولِ رسولﷺ کو کیوں نہیں دیکھتے ؟ جس میں فرمایا ہے : “علیکم بسنتی وسنۃ الخلفاء الراشدین المھدیین ” ۔
حقیقت یہ ہے کہ حضرت عمر نے تراویح شروع نہیں کی بلکہ حضورﷺ کے عمل کے مطابق اسے ایک امام کے پیچھے یکجا کیا ہے ۔ وگرنہ حضرت ابوبکر کے دور میں بھی لوگ مختلف قراء کے پیچھے تراویح پڑھتے تھے ۔ جہاں تک آپ ﷺ کے تین دن بعد نہ پڑھنے کی بات ہے تو وہاں علت ازخود بیان کی گئی ہے کہ فرضیت سے بچانے کے لئے تھا ، اگر ایسی کوئی نماز ہی نہ ہوتی تو نبی ﷺ نہ ہی پڑھتے، نہ ہی تین دن اسکی امامت کرواتے ۔
مقصد یہ تھا کہ تسنن باقی رہے ۔ یہی مطلب حضرت عمر نے سمجھا اور باقی ساری امت نے بشمول صحابہ انکی عملی تائید کی ۔

ویڈیو درج ذیل لنک سے ملاحظہ فرمائیں ۔