مقرر : مولانا الیاس گھمن 

تلخیص : زید حسن

غامدی صاحب کہتے ہیں :   اللہ تعالی نے فرمایا ہے “اذ قال اللہ یعیسی انی متوفیک ورافعک الی ومطہرک ” قرآن کی ترتیب ہے کہ پہلے عیسی علیہ السلام کو موت دی پھر اپنی طرف اٹھایا اور کافروں کے انہیں مثلہ کرنے سے اور مصلوب کرنے سے بچایا ۔ موت آنا کوئی بری بات نہیں ہے ۔ پہلے انبیاء پر بھی موت آئی ہے اور حضورﷺ پر بھی آئی ہے تو عیسی پر آنا انکی تنقیص نہیں ہے اور قرآن کی ترتیب سے یہی محسوس ہوتا ہے کہ انہیں موت دی گئی ہے اور پھر اپنی طرف اٹھایا گیا ہے ۔

ہم کہتے ہیں کہ قرآن کو سمجھنے کے تین اصول ہیں ، شانِ نزول ، بیک گراونڈ  اور پسِ منظر ۔ جبتک یہ پتا نہ ہو قرآن سمجھ میں نہیں آ سکتا ۔ ہم کہتے ہیں کہ ” انی متوفیک” کے الفاظ عیسی علیہ السلام کی تسلی کے لئے ہیں۔ خدا ان سے کہہ رہا ہے کہ موت باہر کھڑے ہوئے یہودی نہیں دے سکتے ہیں موت دینے والی ذات میری ہے اسلئے ان سے ڈرنے کی ضرورت نہیں بلکہ ہم تجھے  اپنی طرف اٹھا لیں گے ۔ اگر خدا خود ہی عیسی کو موت دے دے تو یہ تو یہودیوں کے کام میں اعانت ہے اور انکے مقصد کی تکمیل ہے جبکہ خدا ان کے مقاصد میں انہیں ناکام کرنے کے لئے عیسی علیہ السلام کو تسلی دے رہا ہے ۔

لہذا مذکورہ آیت میں موجود ترتیب کو سمجھنے کے لئے اس واقعہ اور آیت کے پس منظر کو سامنے رکھنا ضروری ہے ۔

۔۔۔۔۔۔۔۔۔۔۔۔۔۔

ویڈیو درج ذیل لنک سے ملاحظہ فرمائیں