مقرر : مفتی منیر اخون 

تلخیص : زید حسن

سائل : ہمارے ہاں عموما سمجھا جاتا ہے کہ مسیح علیہ السلام زندہ ہیں اور قربِ قیامت تشریف لائیں گے لیکن بعض لوگ کہتے ہیں کہ مسیح علیہ السلام فوت ہو چکے ہیں ۔ اسکی دلیل یہ ہے کہ قرآن میں انکے زندہ موجود ہونے کا ثبوت نہیں ہے ۔
مفتی منیر اخون
پہلی بات تو یہ کہ معترضین انکے زندہ ہونے کو تو مانتے ہیں کہ وہ زندہ تھے ۔ اسکا مطلب یہ ہوا کہ انکی زندگی کو ثابت کرنے کی ضرورت نہیں البتہ انکی موت کو ثابت کرنا دعوے کو سچا بناتا ہے لہذا معترض قرآن سے عیسی علیہ السلام کی موت کو ثابت کر دے ۔
قرآن میں مسیح علیہ السلام کے لئے موت اور قتل کے الفاظ کو کہیں استعمال نہیں کیا گیا جبکہ دیگر انبیاء بلکہ خود نبی علیہ السلام کے لئے بھی موت کا لفظ استعمال کیا گیا ہے ۔
” وما محمد الا رسول قد خلت من قبلہم الرسل افامات او قتل انقلبتم”
لیکن موت ( طبعی) یا قتل کو نہ صرف یہ کہ عیسی علیہ السلام کے لئے استعمال نہیں کیا گیا بلکہ جگہ جگہ اسکی نفی کی گئی ہے اور انکے دنیا سے جانے کے لئے لفظ ” توفی” استعمال کیا گیا ہے جسکا مطلب پورا پورا اٹھا لینا ہے ۔ اور یہ لفظ جائے تسلی میں خدا نے استعمال کر کے وعدہ کیا ہے ۔ اور وہ تبھی پورا ہوتا ہے جب انہیں جسم مع الروح اٹھا لیا جائے وگرنہ یہودیوں کے منصوبے اور خدا کے کام میں کیا فرق رہ جائے گا ؟
پیدائشِ مسیح علیہ السلام کے تناظر میں انکے ساتھ یہ معاملہ کوئی حیران کن نہیں ہے ۔ انکی پیدائش جس طرح غیر معمولی تھی ، دیگر معاملات بھی ویسے ہی قائم ہوئے ہیں ۔
علاؤہ ازیں قرآن کی اطلاع کے مطابق تمام یہودی آپ پر ایمان لائیں گے اور تاریخی اعتبار سے یہ واقعہ ابھی تک رونما نہیں ہوا لہذا توفی کا مطلب زندہ اٹھانا ہی قرین قیاس ہے ۔

۔۔۔۔۔۔۔۔۔۔۔۔۔۔

ویڈیو درج ذیل لنک سے ملاحظہ فرمائیں